2025-jılı 21-aprel kúni Qaraqalpaqtan awıl xojalıǵı hám agrotexnologiyaları institutınıń «Gumanitar pánler hám tiller» kafedrası assistent oqıtıwshısı Seyfullaev Allanazar Skenderbekovichtiń tikkeley baslaması menen «Zooinjeneriya» fakultetiniń student jasları arasında «Zakovat» intellektual oyını shólkemlestirildi. Bul intellektual oyında fakultettiń ziyrek student jaslarınan dúzilgen 1-kurs studentleriniń «JIPEK» komandası, 1-kurs studentleriniń «EVEREST», 2-kurs studentlerinen «INTELLEKT», «FENIKS» hám «LIDERLER» komandaları qatnasıp óz-ara bilimlerin sınap kórdi.

Intellektual oyınǵa fakultet ruwxıylıq-aǵartıwshılıq isleri boyınsha dekan orınbasarı K.Makulbaev, fakultet tyutorı G.Turımbetova fakultet jetekshisi J.Qazaqbaev hám A.Seyfullaevlar qatnastı.

Student jaslardıń bos waqıtların mazmunlı ótkiziw, teoriyalıq hám ámeliy jaqtan alǵan bilimlerin sınap kóriw, olardıń logikalıq, kreativlik pikirlew dárejesin arttırıw, kitapqumarlıqqa ıqlas qoyıw maqsetinde intellektual oyını shólkemlestirildi. Barlıq komanda aǵzaları intellektual oyınǵa belsene qatnastı. Oyınnıń shártleri menen túsindirilip, komandalar bir-birine kesent etpegen halda, berilgen waqıt ishinde juwaplardıń anıq hám tolıq tárizde bolıwı kerekligi eskertildi. Oyında jámi 15 soraw oynaldı. Barlıq qatnasqan komandalar oyın juwmaǵı boyınsha tómendegishe orınlardı iyeledi.

1-orın: «INTELLEKT»

2-orın: «JIPEK»

3-orın: «LIDERLER»

Oyın juwmaǵı boyınsha bunday intellektual oyınlardı instituttıń student jasları arasında turaqlı ótkizip barıw hám olardıń logikalıq pikirlew dárejesin arttırıw ayrıqsha áhmiyetke iye.