Ózbekstan Respublikası Prezidenti Administraciyası basshısınıń 2023-jıl 7-fevraldaǵı 02-RA 1/1-254-sanlı tapsırma xatı menen tastıyıqlanǵan “Joqarı bilimlendiriw mákemelerinde student-jaslar menen islesiw nátiyjeliligin arttırıw hám olardıń bos waqtın mazmunlı shólkemlestiriwge qaratılǵan birden-bir ilajlar kalendar rejesi”niń 25-bántinde “Joqarı bilimlendiriw mákemeleri studentleri, ásirese pitkeriwshilerdiń bántligin támiyinlew maqsetinde jumıs beriwshilerdi tartqan halda “Káryera kúni” miynet yarmarkasın shólkemlestiriw” wazıypası hám Ózbekstan Respublikası Prezidenti Sh.M.Mirziyoev basshılıǵında 2022-jıl 4-mart kúni ótkerilgen májiliste joqarı bilimlendiriw mákemelerinde bilim alıp atırǵan studentlerge islew erkinligi engiziliwine ruqsat beriliwi hám áhmietli tiykarǵı wazıypalar belgilengen.

 Usı tiykarda Qaraqalpaqstan awıl xojalıǵı hám agrotexnologiyalar institutında 2025-jıl 15-may kúni “Káryera kúni” miynet yarmarkasın shólkemlestiriw” wazıypasınıń orınlanıwın támiyinlew maqsetinde institutımız tárepinen “Bos jumıs orınları miynet yarmarkası” ótkerildi.

  Yarmarka Qaraqalpaqstan Respublikası Ministrler Keńesi, Qaraqalpaqstan Respublikası Kámbaǵallıqtı qısqartıw hám bántlik ministrligi, Qaraqalpaqstan Respublikası Awıl xojalıǵı ministrligi hám onıń quramına kiriwshi shólkemler, Bántlik hám miynet qatnasıqları ministrligi hám basqa da tarawǵa tiyisli shólkemler menen birgelikte shólkemlestirildi.   

  Respublikamız boylap bir neshe jıllardan berli ótkerilip kiyatırǵan “Káryera kúni” miynet yarmarkası student-jaslardıń bántligin támiyinlep ǵana qoymastan, al jumıssız puqaralarǵa miynet nızamshılıǵı, bar jumıs orınlarında belgilengen jeńillikler hám kepillikler, jumıs orınları haqqında túsinikler hám másláhátler beriwde oǵada áhmietli esaplanadı.