Ózbekstan Respublikası Oliy Majlisiniń Insan huqıqları boyınsha wákili (ombudsman) haqqında”ǵı Nızamına hámde Ózbekstan Respublikası Oliy Majlisiniń Májilis Senatınıń 2025-jıl 18-marttaǵı SQ-100-V-sanlı qararına muwapıq, mámleketlik uyımlar hám mákemeler jáne mámleketlik emes kommerciyalıq emes shólkemlerdiń wákilleri menen birgelikte qabıl etilip atırǵan normativlik-huqıqıy hújjetlerden xalıqtıń, sonıń ishinde, jaslardıń xabardarlıǵın arttırıw, sonday-aq, orınlarda kóshpeli qabıllawlar ótkeriw arqalı puqaralar tárepinen kóterilgen mashqalalardı aymaqlıq mámleketlik organlar wákilleri menen birgelikte sheshiw ilajlarınıń kóriliwi belgilengen.

  Usı tiykarda 20-may kúni Qaraqalpaqstan awıl xojalıǵı hám agrotexnologiyalar institutı student jasları arasında “Jańa Ózbekstanda jaslardıń huqıqları hám nızamlı máplerin qorǵaw kepillikleri” temasında “Ombudsman mektebi” ilajı hám student-jaslardıń múrájatların úyreniw maqsetinde “Ombudsmannıń kóshpeli qabıllawı” shólkemlestirildi.

  Ótkerilgen kóshpeli qabıllawdı institutımızdıń Jaslar máseleleri hám ruwxıy-aǵartıwshılıq isleri boyınsha birinshi prorektor M.Dáwletmuratov kiris sóz benen ashıp berdi hám basqarıp bardı. Bunnan soń Ózbekstan Respublikası Oliy Majlisiniń Insan huqıqları boyınsha wákiliniń (ombudsmannıń) Qaraqalpaqstan Respublikasındaǵı regionallıq wákili J.Shlimbetov Ózbekstan Respublikası Oraylıq banki Qaraqalpaqstan Respublikası bas basqarmasınıń juwapker xızmetkeri AMadiyarov
Qaraqalpaqstan Respublikası Kámbaǵallıqtı qısqartıw hám bántlik ministrligi bólim baslıǵı K.Sadikov Jaslar isleri agentligi Qaraqalpaqstan Respublikası basqarması bólim baslıǵı D.Kuljanovlar shıǵıp sóyledi.

 Sózge shıqqanlar búgingi kúnde jaslarǵa mámleket tárepinen jaratılǵan imkaniyatlar, jaslar mashqalaların úyreniw hám sheshiw sistemasın bunnan bılay da jetilistiriw baǵdarında alıp barılıp atırǵan ilajlar, joqarı hám professional bilimlendiriw shólkemleriniń studentleri hám oqıwshılarına byudjet qarjıları esabınan tálim kreditin ajıratıw tártibi sonday-aq, joqarı bilimlendiriw shólkemleri pitkeriwshileriniń bántligin támiyinlew, jumıs orınların jaratıw haqqında qatnasıwshılarǵa bahalı maǵlıwmatlar keltirip ótti. ushırasıw sońında qatnasıwshılar ózlerin qızıqtırǵan sorawlarǵa tiyisli taraw wákillerinen juwaplar aldı.