Hár jılı 15-may kúni dúnya boylap Xalıqaralıq shańaraq kúni sıpatında belgilenedi. Bul sáne Birlesken Milletler Shólkemi (BMSh) tárepinen 1993-jılı engizilgen bolıp, onıń tiykarǵı maqseti – shańaraqtıń jámiyettegi ornı hám áhmietin arttırıw, shańaraqlıq qádiriyatlardı bekkemlew jáne zamanagóy shańaraqlardıń dus kelip atırǵan mashqalalarına itibar qaratıwdan ibarat.

 Ózbekstan Respublikası Prezidenti Shavkat Mirziyoev: “Shańaraq – bul ómir mektebi. Biz jámiette turaqlılıq hám rawajlanıwdı támiyinleyik desek – onda, bárinen burın, salamat, ruwxıy hám bilimli shańaraqlar bolıwı kerek.” 2025-jıl 26-may kúni 15-may “Xalıqaralıq shańaraq kúni”ne baǵıshlap “Jańa Ózbekstannıń ibratlı shańaraǵı” súreni astında bayram ilajı bolıp ótti. 

 Bayram ilajında Jaslar máseleleri hám ruwxıy-aǵartıwshılıq isleri boyınsha birinshi prorektor M.Dáwletmuratov, Hayal-qızlar máseleleri boyınsha rektor másláháchisi Z.Mambetniyazova, Hayal-qızlar máseleleri boyınsha dekan másláháchileri T.Paxratdinova, M.Karimullaeva, S.Orınbaeva, tyutorlar hám ata-analar, belsendi student jaslar qatnastı.

 Shańaraq – bul ápiwayı bir topar adamlardıń jasaw ornı emes. Shańaraq – bul miyrim-shápáát, tárbiya, qádiriyat, sabır-taqat hám eń áhmiyetlisi, muhabbat deregi. Hár bir insannıń dáslepki qádemi, dáslepki sózi, dáslepki túsinigi áyne shańaraqta qáliplesedi. Biz qanday jámiyette jasap atırmız – bul, bárinen burın, qanday shańaraqlarda erjetip atırǵanımızǵa baylanıslı.

 Usı múnásibet penen institutımızda oqıw jılı dawamında oqıwda hám jámiyetlik jumıslarda belsendilik kórsetken, ibratlı jumısları menen óz zamanlasları arasında ajıralıp turǵan student qızlardıń ata-analarına minnetdarshılıq bildirildi. Bayram ilajında qatnasqan ata-analarǵa sheksiz minnetdarshılıǵımızdı bildirgen halda institut rektorı tárepinen “Alǵısnama” hám bahalı sawǵalar menen sıylıqlandı.Yangi O‘zbekistonning ibratli oilasi shiori ostida bayram tadbiri bo‘lib o‘tdi