2025 jıl 28-may kúni Ózbekstan respublikası hayal-qızlar  «Оlima» shólkemi Qaraqalpaqstan bólimi Qaraqalpaqstan awıl xojalıq hám agrotexnologiyalar institutı menen birgelikte “Qorshaǵan ortalıqtı saqlaw hám “jasıl” ekonomika jılı” na baǵıshlap «Ilim ǵumshaları»nıń «Jaslardıń ilimde tutqan ornı» atamasındaǵı respublikalıq  ilimiy-ámeliy konferenciyası ótkerildi.

 Konferenciyaǵa respublikamızdaǵı joqarı oqıw orınlarındaǵı doktorantlar, magistrantlar hám bakalavriyatta  tálim alıp atırǵan student qızlar qatnastı. Konferenciya jumısın institutımız rektorı B.B.Jollıbekov ashıp berdi hám konferenciya jumısına tabıslar tiledi.

 Qatnasıwshılardı «Ilim ǵumshalarınıń» dástúriy túrde 14-márte ótkeriliwi menen Ózbekstan respublikası hayal-qızlar  «Оlima» shólkemi Qaraqalpaqstan bólimi baslıǵı T.Oserbaeva hám Ajiniyaz atındaǵı Nókis mámleketlik pedagogikalıq institutınıń «Оlima» shólkemi baslıǵı A.Pirniyazovalar qutlılap,ilim menen shuǵıllanıwǵa qádem qoyǵan jaslarǵa tabıslar tiledi.

 Qatnasıwshılardıń bayanatları júdá qızıǵarlı bolıp olardan institutımız ósimliklerdi qorǵaw qánigeligi 1-kurs tayanısh doktorantı S.Meńlimuratova (ilimiy basshı a.x.i.d, professor N.Shamuratova) I-dárejeli diplom menen,QMI magistrantı J.Abdiǵapparova  II-dárejeli diplom menen,QMU studenti O.Bekieva (ilimiy basshı N.Jumanazarova) III-dárejeli diplom menen hám  NMPI 1-kurs tayanısh doktorantı D.Erniyazova húrmet jarlıq penen sıylıqlandı. Konferenciya óz jumısın 2 sekciyada dawam ettirdi.