Ushırasıwǵa institutımız rektorı B.B.Jolıbekov, Ózbekstan Respublikası Prezidenti janındaǵı Mámleketlik xızmetti rawajlandırıw agentligi Qaraqalpaqstan Respublikası filialı baslıǵınıń orınbasarı Seytniyazov Kamarbek Paraxatovich, Ózbekstan Respublikası Prezidenti janındaǵı Mámleketlik xızmetti rawajlandırıw agentligi Qaraqalpaqstan Respublikası filialı Insan resursları hám kadrlar potencialın rawajlandırıw bólimi bas inspektorı Allambergenov Nizamatdin Saparbaevich institutımız barlıq fakultetler, Registrator ofisi juwapkerleri hám pitkeriwshi jaslar qatnastı.

 Ótkerilgen ilajdı institutımız rektorı B.B.Jollıbekov ashıp berdi hám basqarıp bardı. Bul ilajda shıǵıp sóylegenler Joqarı bilimlendiriw, ilim hám innovaciyalar ministrliginiń 2025-jıl 29-maydaǵı 203-sanlı buyrıǵında názerde tutılǵan tapsırmaları hám buyrıq qosımshasınıń 5-bántinde keltirilgen tapsırmalar boyınsha tómendegi jumıslar ámelge asırılıwı, wazıypalar hám Mámleketlik xızmetke jumısqa kiriw tártibi, Mámleketlik puqaralıq xızmetine kiriw shártleri hám processleri, sonday-aq, Vacancy.argos.uz platformasınan paydalanıw hám dizimnen ótiw tártibi haqqında ulıwma maǵlıwmat hám túsinikler berip ótti.

 Ushırasıwda mámleketlik elektron sistemadan paydalanıw tártibi, One id Birden-bir identifikaciya sisteması, My.gov.uz saytınan dizimnen ótiw hám mámleketlik puqaralıq xızmetkerleri vakant lawazımlarınıń – ARGOS.uz saytınan dizimnen ótiw hám jumıs orınların izlew haqqında tolıq maǵlıwmatlar jetkerilip, tiyisli túsiniklerde beriliwi menen bir qatarda pitkeriwshilerimizdi oylandırǵan sorawlarǵa juwapkerler tárepinen juwaplar berildi.