Ózbekstan Respublikası Prezidentiniń “Ekologiya, qorshaǵan ortalıqtı qorǵaw hám klimat ózgeriwi ministrliginiń jumısın nátiyjeli shólkemlestiriw ilajları haqqında”ǵı 2023-jıl 31-maydaǵı PQ-171-sanlı qararı menen tastıyıqlanǵan Ekologiya máselelerine baǵıshlanǵan áhmietli sáneler boyınsha ótkeriletuǵın ilajlar kalendar rejesiniń 20-bántine muwapıq, 2025-jıl 5-iyun kúni respublikamızda “Jáhán qorshaǵan ortalıqtı qorǵaw kúni” (Ekolog kúni) belgilenetuǵını aytılǵan.

  Usı múnásibet penen Qaraqalpaqstan awıl xojalıǵı agrotexnologiyalar institutı Ekologiya baǵdarı studentleri ushın “Dunıya júzilik qorshaǵan ortalıqtı qorǵaw kúni” (Ekolog kúni) haqqında kishi seminar shólkemlestirildi.

 Seminarǵa Zooinjeneriya fakulteti dekanı T.Nawrizov, professor-oqıtıwshılar hám student-jaslar qatnastı.

 Seminar dawamında studentlerge respublikamız aymaǵında ekologiyalıq bilimlerdi eń dáslep shańaraqtan baslaw, jaslıqtan sanasına sińdirip barıw kerek ekenligi aytıldı.