Házirgi waqıtta Qaraqalpaqstan awıl xojalıǵı hám agrotexnologiyalar institutı rektorı Berdiyar Baxtiyarovich Jollibekov Germaniyanıń Weihenstephan-Triesdorf University of Applied Sciences universitetinde xızmet saparında.

 Ol jerde institutımız rektorı B.Jollibekov Germaniyanıń Weihenstephan-Triesdorf University of Applied Sciences universitetinde bar bolǵan imkaniyatlar menen jaqınnan tanısıw menen birge “International Day” joybar-baǵdarlamasında qatnastı hám de institutımız tárepinen alıp barılıp atırǵan ilimiy-ámeliy joybarlar, awıl xojalıǵında kadrlar tayarlawdaǵı institutımızdıń tutqan ornı haqqında ayrıqsha atap ótti.

 Bunnan soń universitettegi bar bolǵan laboratoriya hám oqıw xanaları menen tanısıp ol jerde alıp barılıp atırǵan ilimiy joybarlardı da úyreniw maqsetinde sáwbetler alıp bardı.

 Sonday-aq, xızmet saparı dawamında, 2024-jıl institutimizda bakalavr basqıshın tamamlap házirde Weihenstephan-Triesdorf University of Applied Sciences’ta GRANT tiykarında Magistratura basqıshında tálim alıp atırǵan Axrorov Abror menen ushırastı hám Germaniyanıń Weihenstephan-Triesdorf University of Applied Sciences penen ilimiy-izertlew jumıslarınıń nátiyjeliligin arttırıw maqsetinde doktorantlar (PhD) ushın 2026-2029-jıllarda DAAD tárepinen qarjılandırılatuǵın “SDG-Partnerships” baǵdarlamasında institutimizdiń de belsendi qatnasıwı hám “International Day” ilaj-baǵdarlamasında bul haqqında usınıslar berip ótti.