Joqarı oqıw ornı studenti bolǵan hár bir jastıń aldında úlken maqsetler boladı, olardıń biri álbette bul Ózbekstan Respublikası Prezidenti mámleketlik stipendiyasınıń jáne ataqlı mámleketlik stipendiyasınıń iesi bolıw. Bul jeńiske erisiw ushın talabanlardan tereń bilim, óz tarawlarınan kelip shıqqan túrde Ustazları menen ilimiy izertlewler alıp barıp óz ústinde islegen intalı jaslar ǵana erise aladı.

 Sonday-aq, Qaraqalpaqstan awıl xojalıǵı hám agrotexnologiyalar institutında 2025-2026-oqıw jılı ushın Ózbekstan Respublikası Prezidenti mámleketlik stipendiyası jáne ataqlı mámleketlik stipendiyaları tańlawına talaban studentler arasında tańlawdıń institut basqıshı ótkerildi.

 Tańlawdı ótkeriliwinde mápler soqlıǵısıwı hám korrupciyalıq jaǵdaylardan awlaq bolıwı ushın institutımızdıń Korrupciyaǵa qarsı gúresiw “Kompleans-qadaǵalaw” bólimi tárepinen qatań qadaǵalawlar ótkerildi.  Ishki imtixanlarda talabanlar óz bilim dárejelerin sınap kórdi.