2025-jıl 21-iyul kúni Qubla Ural mámleketlik agrar universiteti (Rossiya) Agrotexnologiya hám ekologiya kafedrası docenti Anton Aleksandrovich xızmet saparı menen Qaraqalpaqstan awıl xojalıǵı hám agrotexnologiyalar institutımızda boldı.

 Miymandı institut rektorı B.B.Jollibekov hám prorektorlar kútip aldı hám ushırasıw shólkemlestirildi.

 Ushırasıw dawamında eki joqarı oqıw ornı búgingi kúndegi imkaniyatları, ilimiy-izertlew jumısları hám ámelge asırılıp atırǵan joybarları haqqında óz-ara pikir alıstı.

 Sapardan gózlengen tiykarǵı maqset institutımız pitkeriwshileri arasında Qubla Ural mámleketlik agrar universitetinde oqıwdı qálewshi jaslardı usı universitetke baǵdarlaw, sonday-aq, eki tárepleme ilimiy hám bilimlendiriwde  birge islesiwdi jolǵa qoyıwdan ibarat boldı.

 Bul usınıs institutımız basshıları tárepinen unamlı qabıl etildi hám pitkeriwshi studentlerdiń qatnasıwında óz aldına ushırasıw shólkemlestirildi.

 Ushırasıwda docent Anton Aleksandrovich Qubla Ural mámleketlik agrar universitetinde grant hám kontrakt tiykarında bilim alıw imkaniyatları bar ekenligin aytıp ótti. Bul maǵlıwmatlar pitkeriwshilerimizde úlken qızıǵıwshılıq oyattı.