Miymanlardi instituttıń Oqıw isleri boyinsha prorektorı N.Absattarov kútip alıp, ushırasıw shólkemlestirdi.

 Ushırasıwdı N.Absattarov óz kiris sózi menen baslap berdi hámde házirgi kúnde institutımız hám Yaponiya ortasında alıp barılıp atırılǵan joybarlar haqqında maǵlıwmat berdi.

 Bunnan soń JICA wákili Ashihara Tomoko xızmet saparınan maqset Aoyama Yunanıń 2025-jıldıń 3-sentyabr kúninen baslap 2027-jıldıń 4-avgust kúninen shekem institutta volontyor sıpatında jumıs islewin hámde Qaraqalpaqstanda awıl xojalıǵın úyreniw boyınsha óz izzerlewlerin ámelge asıratuǵınlıǵın atap ótti. Jánede usı jıldıń 12-sentyabr hám 18-sentyabr kúnleri qosımsha 2 yapon puqarası volontyor dástúri tiykarında keliwi rejelestirilgenligin atap ótti.

 Ushırasıw sońında miymanlarǵa institut tárepinen volontyorlarǵa  ajıratılǵan xana kórsetildi hám Aoyama Yunaǵa aldaǵı jumıslarında tasqın tabıslar tiledi.