Qaraqalpaqstan awıl xojalıǵı hám agrotexnologiyalar institutında “Úsh áwlad ushırasıwı” ilajı bolıp ótti. Ushırasıwda ilim jolında joqarı nátiyjelerge erisken ustazlar, olardıń shákirtleri hám instituttıń 1-kurs student-jasları qatnastı.

 Ilajdı institut hayal-qızlar máseleleri boyınsha rektor másláháchisi Z.Mambetniyazova kiris sóz benen ashıp berdi hám basqarıp bardı.

 Sáwbet dawamında awıl xojalıǵı tarawına úlken úles qosıp kiyatırǵan professor-oqıtıwshılar atap qytqanda, “Ósimlikshilik, toǵayshılıq hám landshaft dizaynı” kafedrası docenti Genjenazar Sabirov, “Awıl xojalıǵı ónimlerin saqlaw, dárilik ósimliklerdi jetistiriw hám qayta islew texnologiyası” kafedrası professorı Zulfiya Sultanova hám olardıń shákirtleri – usı kafedra docenti Risnazar Yusupov hám Registrator ofisi direktorı Ikiram Sulaymonovlar qatnasıp, jaslarǵa óz tájiriybelerin bólisti.

 Ushırasıwdan gózlengen tiykarǵı maqset – jas áwlad wákilleriniń ilimge bolǵan qızıǵıwshılıǵın arttırıw, olardı ustaz-shákirt dástúrlerine sadıq qalǵan halda joqarı nátiyjelerge umtılıwǵa iytermelewden ibarat bolıp esaplanadı.