Ózbekstan Respikası Prezidentinin 2018-jil 27-apreldegi PQ-3682-sanlı hám de 2018-jil 7-maydagi PQ-3698-sanlı qararlarına muwapıq mámleketimizde hár jılı xalıqaralıq innovaciyalıq-investiciyalıq forumlar hám interaktiv innovaciyalar yarmarkaların shólkemlestiriw dástúrge aylangan. 9-11-oktyabr kúnleri “Shegarasız ideyalar” súreni astında ótetuǵın “InnoWeek-2025” innovaciyalıq ideyalar hápteligi sheńberinde Nókis mámleketlik texnika universitetinde “Ilimiy qollanbalar kórgizbesi hám startaplar festivalı” bolıp ótti.
Ilaj Ózbekstan hám Qaraqalpaqstan mámleketlik gimnleriniń jańlawı menen baslandı. Bunnan soń festivaldı Nókis mámleketlik texnika universiteti ilimiy isler hám innovaciyalar boyınsha prorektorı M.Artıqbaev ashıp berdi.
Bul kórgizbe hám festivalda 60 qa shamalas joybar tanıstırıldı. lajda institutımiz professor-oqıtıwshıları da ózleriniń innovaciyalıq qollanbaları menen belsene qatnastı. Sonıń ishinde, D.Ramazanov “Gidropanel” joybarın, N.Xamidov “Awıl xojalıǵı eginlerin egiw ushın topıraqqa lentalı islew beriw agregatı” qollanbasın hám D.Xayitbaev “Qızıl nur” sortın usındı.
Sıylıqlaw máresiminde Qaraqalpaqstan Respublikası Joqarı bilimlendiriw, ilim hám innovaciyalar ministrligi sektor baslıǵı J.Óserbaev, Nókis mámleketlik texnika universiteti prorektorı M.Artıqbaev, Berdaq atındaǵı Qaraqalpaq mámleketlik universiteti prorektorı I.Turdımambetov hám Qaraqalpaqstan awıl xojalıǵı hám agrotexnologiyalar institutı prorektorı w.w.a. A.Sayımbetovlar shıǵıp sóylep, barlıq qatnasıwshılarǵa minnetdarshılıq bildirdi.
“InnoWeek-2025″te qatnasıw ushın jollamanı qolǵa kirgizgen 20 joybardıń avtorları hám joqarı oqıw orınlarınıń wákilleri Qaraqalpaqstan Respublikası Joqarı bilimlendiriw, ilim hám innovaciyalar ministrliginiń minnetdarshılıq xatı menen sıylıqlandı. Sonday-aq, barlıq qatnasıwshılarǵa Nókis mámleketlik texnika universiteti atınan minnetdarshılıqlar tapsırıldı.