Qaraqalpaqstan awıl xojalıǵı hám agrotexnologiyalar institutı, Ministrler Kabineti janındaǵı Migraciya agentligi hám JICA GROW joybarı menen birgelikte “Yaponiyada jumıs islew imkaniyatları” temasında seminar shólkemlestirildi.
Ushırasıwda:
Buranbaev Timur – OISCA-Uzbekistan ofisi menedjeri
Fukushi Xodju – OISCA-Uzbekistan ofisi yapon tili oqıtıwshısı
Yoshikawa Takuma – JICA GROW joybarı eksperti️
Xasanov Jurabek – JICA GROW joybarı eksperti
Sobirov Temur – JICA GROW joybarı assistenti
“Nobels” kompaniyası wákili (onlayn) qatnastı.
Seminarda JICA GROW joybarı haqqında tolıq maǵlıwmat berilip, bul joybar institutımız pitkeriwshileri ushın Yaponiyada jumıs islew imkaniyatların beriwi atap ótildi. Eń áhmietlisi – til sertifikatı talap etilmeydi, tek ǵana kúndelikli sóylese alıw hám Yaponiya nızamların biliw jetkilikli.
Sonday-aq, “Nobels” kompaniyasınıń wákili (onlayn) qatnasıwshılarǵa kompaniya jumısı hám jumıs imkaniyatları haqqında maǵlıwmat berdi. Student-jaslarımız bolsa ózlerin qızıqtırǵan sorawlarǵa joybardıń ekspertlerinen juwap aldı.
Yaponiyada jumıs islewdi qálewshiler JICA GROW joybarı tárepinen tayarlanǵan sorawnama menen tanısıp shıǵıwı soraldı. Bunday seminarlar pitkeriwshilerimizdiń máplerin qollap-quwatlaw menen birge, rawajlanǵan mámleketlerdiń aldınǵı tájiriybelerin elimizge alıp kiriwde úlken áhmiyetke iye.