Tashkent qalasında ótkerilip atırǵan Innovaciyalıq rawajlanıw agentligi hám Yaponiya xalıqaralıq birge islesiw agentligi (JICA) menen birgelikte ámelge asırılıp atırǵan bahası 5,0 million AQSh dolları bolǵan SATREPS-2020 baǵdarlaması sheńberinde birgeliktegi muwapıqlastırıwshı komitettiń 4-májilisi juwmaqlandı.

 Ushırasıwda Yaponiyalı hám Ózbekstanlı ilimpazlar jáne joybar qatnasıwshıları tárepinen 2020-2025-jıllarda ámelge asırılǵan jumıslardıń nátiyjeleri tanıstırıldı. Sonday-aq, joybardıń keleshektegi rejelerine baylanıslı sóylesiwler alıp barılıp, 2026-2027-jıllarda orınlanıwı rejelestirilgen ilimiy izlenisler dodalandı.

 Usı ánjumanda Qaraqalpaqstan awıl xojalıǵı hám agrotexnologiyalar institutınıń rektorı B.Jollibekov hám “Awıl xojalıǵı ónimlerin saqlaw, dárilik ósimliklerdi jetistiriw hám qayta islew texnologiyası” kafedrasınıń professorı Z.Sultonova qatnastı.