Qaraqalpaqstan awıl xojalıǵı hám agrotexnologiyalar institutında doktorantura basqıshında bilim alıp atırǵan jas izertlewshiler menen ashıq sáwbet shólkemlestirildi.

 Ushırasıwda institut rektorı B.B.Jollibekov, Ilimiy izertlewler, innovaciyalar hám ilimiy-pedagogikalıq kadrlardı tayarlaw bólimi baslıǵı A.Sayımbetov, bólim qánigesi B.Panaeva hám doktorantlar qatnastı.

 Ilaj dawamında rektor B.B. Jollibekov institutta ámelge asırılıp atırǵan ilimiy joybarlar, olardıń házirgi jaǵdayı hám ayırım doktorantlardıń erisip atırǵan jetiskenlikleri haqqında aytıp ótti. Sonday-aq, akademiyalıq hárekecheńlik, xalıqaralıq birge islesiw joybarları, ilimiy izertlewlerdiń nátiyjeleri hám keleshektegi rejeler boyınsha maǵlıwmatlar berildi.

 Ushırasıw barısında 3-basqısh doktorantlarınıń ilimiy izleniwleri hám olardıń nátiyjelerin óndiriske engiziw máseleleri dodalandı. Doktorantlardıń pikir-usınısları tıńlanıp, olar boyınsha usınıslar berildi.

 Sáwbet juwmaǵında A.Sayımbetov doktorantlarǵa ilimiy izertlewlerden alınıp atırǵan nátiyjelerdi óz waqtında rásmiylestiriw, xalıqaralıq abıraylı jurnallarda maqalalar basıp shıǵarıw, ilimiy konferenciyalarda belsene qatnasıw hám bar imkaniyatlardan nátiyjeli paydalanıw zárúrligin ayrıqsha atap ótti.