Usı jıldıń 30-sentyabr kúni Qaraqalpaqstan Respublikası Ministrler Keńesi májilisler zalında “1-oktyabr – Muǵallimler hám ustazlar kúni” múnásibeti menen bir qatar professor-oqıtıwshılarǵa “Joqarı bilimlendiriw aǵlası” kókirek belgisi saltanatlı túrde tapsırıldı.

  Ilajda Qaraqalpaqstan Respublikası Joqarǵı Keńesiniń komitet baslıǵı M.Atamuratov, Qaraqalpaqstan Respublikası Joqarı bilimlendiriw, ilim hám innovaciyalar ministri A.Ayapovlar hám Ministrler Keńesiniń Jaslar siyasatı, sociallıq rawajlandırıw hám ruwhıy-aǵartıwshılıq isleri boyınsha sekretariat baslıǵı
B.Kalimbetovlar qatnasıp, jıynalǵanlardı kásiplik bayram menen qutlıqladı.

 Usı saltanatlı ilajda Qaraqalpaqstan awıl xojalıǵı hám agrotexnologiyalar institutı “Ósimliklerdi qorǵaw hám karantini” kafedrası baslıǵı, awıl xojalıǵı ilimleriniń doktorı, professor Shamuratova Nagima Genjemuratovna da “Joqarı bilimlendiriw aǵlası” kókirek belgisi menen sıylıqlandı.

 Instituttımız jámááti professor Shamuratova Nagima Genjemuratovnanı usı joqarı sıylıq penen qızǵın qutlıqlaydı hám aldaǵı ilimiy-pedagogikalıq jumısında úlken tabıslar tileydi!