2025-jıl 30-sentyabr kúni Qaraqalpaqstan awıl xojalıǵı hám agrotexnologiyalar institutında yaponiyalı ilimpazlardıń qatnasıwında “Gúzgi egislik atızlarında topıraq sensorlarınan paydalanıw hám suw rejimin qadaǵalaw” atamasında seminar bolıp ótti.

Seminarǵa Mie universiteti professorları Kristina Toderich, Naoko Macuo, Tottori universiteti professorı Xaruyuki Fujimaki, JICA wákili – ekspert Ozava Yoshiku hám yaponiyalı kewilli studentler qatnastı. Seminarǵa Aralboyı xalıqaralıq innovaciya orayınıń qánigeleri, joybar basshısı professor Z.S. Sultanova, NMPI hám Qaraqalpaqstan awıl xojalıǵı hám agrotexnologiyalar institutınıń professor-oqıtıwshıları hám doktorantları qatnasıp, óz-ara tájiriybe alıstı.

 Instituttaǵı joybar basshısı professor Z.S. Sultanova, bir qatar oqıtıwshılar hám doktorantlar da qatnasıp, tájiriybeler almasıdı.

 Ilajda professor Xaruyuki Fujimaki topıraq sensorlarınan paydalanıw, suw balansın esaplaw hám evapotranspiraciya procesin úyreniw usılları haqqında bayanat jasadı. Bul qatnasıqlar awıl xojalıǵında suwǵarıwdı rejelestiriw hám suw jetispewshiliginiń aldın alıwda áhmietli ekenligi atap ótildi.

  Seminar juwmaǵında tárepler keleshekte qospa ilimiy joybarlardı ámelge asırıwda birge islesiwdi dawam ettiriwge kelisip aldı.