Qaraqalpaqstan awıl xojalıǵı hám agrotexnologiyalar institutı Awıl xojalıǵın mexanizaciyalaw hám suw xojalıǵı fakultetinde jaslardıń biznes ideyaları hám startap baslamaların qollap-quwatlawǵa qaratılǵan gezektegi ushırasıw bolıp ótti. Bul ilaj respublikamızda jaslardıń bántligin támiyinlew, olardıń isbilermenlik potencialın rawajlandırıw hám biznesti baslaw ushın jaratılıp atırǵan keń imkaniyatlar haqqında ámeliy túsinikler beriw maqsetinde ótkerildi.

 Ushırasıwda Nókis qalası “Góne qala” MPJ aymaǵında jaylasqan “NUKUS LAK BOYOQLARI” JShJ qánigeleri qatnasıp, student-jaslarǵa kárxananıń jumısı, óndiris processleri, boyaw ónimlerine bolǵan talap hám bazar imkaniyatları haqqında tolıq maǵlıwmat berdi. Sonday-aq, jaslardıń kishi biznes hám startap joybarların ámelge asırıwda mámleket tárepinen berilip atırǵan jeńillikler, kreditler, grant baǵdarlamaları hám oqıw-ámeliy joybarlar haqqında da túsinikler berildi.

 Ilajda Awıl xojalıǵın mexanizaciyalastırıw hám suw xojalıǵı fakulteti hámde Agrobiznes hám buxgalteriya esabı kafedrası oqıtıwshıları – assistent J. Baltashov, fakultet tyutorları A. Uteniyazov, E. Bekpanov, Z. Avezovalar belsene qatnastı.

 Ushırasıw dawamında studentler qánigelerge ózlerin qızıqtırǵan sorawlardı berip, biznesti baslaw tártibi, joybar rejelestiriw, marketing hám finanslıq esabat júrgiziw boyınsha ámeliy usınıslar aldı.

 Ilaj juwmaǵında qánigeler studentlerde baslama hám innovaciyalıq pikirdi arttırıw, olarǵa ámeliy járdem kórsetiw boyınsha óz-ara birge islesiwdi dawam ettiriwge tayar ekenligin bildirdi.