Institutımızda Yaponiyanıń YUIME kompaniyası prezidenti Ueno Kouhei hámde “YUIME” qollap – quwatlaw basqarması wákili Tsutsui Ryota institutimizda miymanda bolıp, “Yaponiyada jumıs islew imkaniyatları” atamasında seminar-trening shólkemlestirildi.

 Ushırasıwda Yaponiya awıl xojalıǵı tarawında jetekshi “YUIME” kompaniyası wákilleri studentler manan ushırasıp, Yaponiyada ámeliyat ótew, arnawlı vizası, miynet sharayatları hám shet ellik jaslar ushın jaratılǵan imkaniyatlar haqqında maǵlıwmatlar berildi.

 Institut rеktori B.B. Jollibekov xalqaralıq tájiriybe almasıwdıń áhmiyeti haqqında ayrıqsha atap ótti. Ushrasıw dawamında bildirilgen pikir hám usınıslar studentler ushın úlken qızıǵıwshılıq oyandı. Studentler xalqaralıq imkaniyatlar, Yaponiyada 1–3 aylıq ámeliyat ótew hámde óz tarawında jańa tájiriybeler arttırıwǵa tayar ekenligin bildirdi. Búgingi ushrasıw olarda kúshli motivaciya, jańa idealar menen jumıs baslawǵa qızıǵıwshılıǵı hám keleshek kásiplik iskerligine degen juwapkershiligi jánede arttı.

 Usharsıw dawaminda Registrator ofis baslıǵı I.Sulaymanov shıǵıp sóylep, ol óz sózinda studentlerge Prezidentimizdiń 2025-jıl 14-fevraldaǵı PQ-61 sanlı qararı tiykarında jaratılıp atırǵan imakniyatlardan nátiyjeli paydalanıp, xalıqaralıq tájiriybeler tiykarında aymaqlıq islep shıǵarıwdı rawajlandırıw, óz iskerligi menen turaqlı dáramatqa iye bolıw, jaslardıń bántligin támiyinlewde jańa jumıs orınların jaratıw arqalı elimizdiń rawajlanıwına úlesin qosıwdı aldına úlken maqset qoyıp háreket etiwdi aytıp ótti.

 Seminar juwmaǵında Qaraqalpaqstan awıl xojalıǵı hám agrotexnologiyalar institutı rektorı B.B.Jollıbekov “YUIME” kompaniyasına minnetdarshılıq bildirip, institut hám kompaniya oratsında birge islesiw baylanısların jolǵa qoyıw usınısın bildirdi.