Ózbekstan Respublikası Awıl xojalıǵı ministriniń 2025-jıl 12-marttaǵı 66-sanlı buyrıǵına tiykarlanıp, usı jılı agrar hám azıq-awqat tarawında jumıs alıp barıp atırǵan xızmetkerler jáne jaslardı HECI qatnasları tiykarında rawajlandırıw maqsetinde tarawdaǵı joqarı hám professional bilimlendiriw mákemeleri ushın oqıw qollanbası basıp shıǵarıldı.

 2026-jıl 13-mart kúni Qaraqalpaqstan awıl xojalıǵı hám agrotexnologiyalar institutında juwaplı trenerleri “Gumanitar pánler hám Tiller” kafedrasınıń docenti B.Bekimbetov hám aǵa oqıtıwshı Z.Mambetniyazovalar tárepinen professor-oqıtıwshılar hám studentler ushın oqıw kursı shólkemlestirildi. Kurs dawamında insan kapitalın rawajlandırıwda ádep-ikramlılıq principleriniń áhmiyeti, dóretiwshilik pikirlewdi qáliplestiriw hám zamanagóy agrar bilimlendiriw talaplarına sáykes tálim-tárbiya kózqarasları keńnen sáwlelendirip berildi.