Institutımızda zamanagóy texnologiyaların oqıw procesine keńnen engiziw, studentler hám jas qánigelerdiń bilim hám kónlikpelerin arttırıw maqsetinde Inkubaciya orayı direktorı Daniyar Ramazanov hám IT salasında 8 jıldan aslam waqıt xizmet etip atırǵan, isbilermen hám biznes avtomatizaciya boyınsha maman Alibek Embergenovlar tárepinen “AI Leaders – Jasalma intellekt dáwirinde lider bolıw” atamasında seminar shólkemlestirildi.

  Bul seminar dawamında qatnasıwshılarǵa jasalma intellekt (AI) texnologiyalarınıń rawajlanıw basqıshları, olardıń awıl xojalıǵında qollanılıwı, sanlı texnologiyalar, maǵlıwmatlar analizi tiykarında nátiyjelilikti arttırıw imkaniyatları haqqında tolıq maǵlıwmatlar berildi.
Seminarda, sonday-aq, jasalma intellekt tiykarında isleytuǵın baǵdarlamalar hám platformalar, olardıń ámeliy qollanılıwı, startap joybarlar jaratıwdaǵı áhmiyeti hám jaslardıń innovaciyalıq pikirlewin rawajlandırıw máseleleri dodalandı. Qatnasıwshılar ózlerin qızıqtırǵan sorawlarǵa qánigeler tárepinen hár tárepleme juwaplar aldı.