“ARAL TUBÍNE” eko-bilimlendiriw sayaxatları sheńberinde shólkemlestirilgen “ARAL BOYÍ JAQSÍ NIYET ELSHILERI” xalıqaralıq konferenciyasında Institutimiz Inkubaciya Orayı direktorı D.Ramazanov, startap hám innovaciyalıq ideyalarǵa iye bolǵan bir topar belsendi student-jaslar qatnastı.

Bul konferenciya Aralboyı aymaǵında júzege kelgen ekologiyalıq mashqalalardı keń jámiechilikke jetkeriw, jaslar arasında ekologiyalıq mádeniyattı qáliplestiriw hám innovaciyalıq sheshimlerdi alǵa qoyıw maqsetinde shólkemlestirildi. Institutimiz wákilleri tárepinen konferenciyada ekologiya baǵdarındaǵı bir qatar startap hám innovaciyalıq joybarlar usınıldı. Bul joybarlar suwdı únemlewshi texnologiyalar, jasıl energiya dárekleri, topıraq ónimdarlıǵın arttırıw hám Aralboyı aymaǵında ekologiyalıq turaqlılıqtı támiyinlewge qaratılǵan. Konferenciya sheńberinde qatnasıwshılar óz-ara tájiriybe almasıw, xalıqaralıq birge islesiw baylanısların jolǵa qoyıw hám jańa ideyalardı qáliplestiriw imkaniyatına iye boldı. Student-jaslar ushın bunday ilajlar olardıń ilimiy hám ámeliy potencialın arttırıw, sonday-aq, globallıq ekologiyalıq mashqalalarǵa biypárwa bolmaǵan belsendi puqaralıq poziciyasın qáliplestiriwde ayrıqsha áhmiyetke iye.