Ózbekstan Respublikası Prezidentiniń 2020-jıl 6-oktyabrdegi PQ-4851-sanlı qararınıń hám Ózbekstan Respublikası Ministrler Kabinetiniń 2021-jıl 9-sentyabrdegi “Aǵla oqıwshılar arasında pán olimpiadaların ótkeriw sistemasın jedellestiriw hámde shet tillerdi oqıtıw boyınsha eń jaqsı mektepti anıqlaw sistemasın eńgiziw haqqında”ǵı 562-sanlı qararınıń 1-qosımshası menen tastıyıqlanǵan Nızamnıń 4-bap 47-bánti talapları, Qaraqalpaqstan Respublikası Mektepke shekemgi hám mektep bilimlendiriw ministrligi menen birgeliktegi 2026-jıl 17-apreldegi 12-sanlı hám qq-03-sanlı qospa qararınıń orınlanıwın támiyinlew maqsetinde 1-may kúni Qaraqalpaqsatn awıl xojalıǵı hám agrotexnologiyalar institutında Ulıwma bilim beriw mektepleriniń pitkeriwshi klass oqıwshıları arasında “Informatika hám informaciyalıq texnologiyaları” páni boyınsha olimpiadanıń juwmaqlawshı basqıshı ótkerildi.
Olimpiadanı institutımız rektorı wazıypasın waqtınsha aqtqarıwshı N.Absattarov ashıp berdi hám Olimpiadanı shólkemlestiriw maqseti hám zárúr hújjetler menen tanıstırdı. Bunnan soń, sózge Qaraqalpaqstan Respublikası Mektepke shekemgi hám mektep bilimlendiriw mininstrliginiń Respublikalıq bilimlendiriw orayı qánigesi V.Allamuratova shıǵıp olimpiada qatnasıwshıların qutlıqlap, olarǵa tabıslar tiledi.
Bilimler bellesiwinde Nókis hám Xojeli jasları Jeńiske eristi!
Intellektuallıq potencial hám sheberlik sınaqtan ótken gezektegi olimpiada óziniń haqıyqıy qaharmanların anıqladı. Bul jarıs jaslardıń tek ǵana búgingi bilimlerin emes, al aydın keleshekke qaray taslaǵan isenimli qádemlerin de kórsetti.
🎗Jeńimpazlarımız benen tanısıń:
🥇1-orın iyesi: Nókis qalasındaǵı 46-sanlı ulıwma bilim beriw mektebiniń 11-klass oqıwshısı Erejepov Aydos. Ol óziniń joqarı intellektuallıq potencialı menen zamanlasları arasında jetekshilikti qolǵa kirgizdi hám zamanagóy Smartfon (uyalı baylanıs quralı) menen sıylıqlandı.
🥈2-orın iyesi: Xojeli rayonındaǵı 35-sanlı mekteptiń 11-klass oqıwshısı Bazarbaev Dauletyar. Bilimler jarısında óziniń múnásip ornın kórsetken Dauletyar qımbat bahalı ARSHiA (super blender) texnikası menen xoshametlendi.
