KIBERQÁWIPSIZLIK HÁM JASLAR: SERGEKLIK – DÁWIR TALABÍ!

    Qaraqalpaqstan awıl xojalıǵı hám agrotexnologiyalar institutı Agrotexnologiya fakultetinde 1-kurs studentleri ushın “Kiberqáwipsizlik hám jaslar: internettegi qáwip-qáterler hám aldawshılıqtan qorǵanıw usılları” atamasında ashıq sáwbetlesiw hám úgit-násiyatlaw ilajı bolıp ótti.
   Ilajǵa Institut profilaktika inspektorı aǵa leytenant T.Keńesbaev, fakultet dekan orınbasarı B.Jumashov hám tyutorlar qatnastı.
  Ushırasıw dawamında taraw qánigesi tárepinen student-jaslarǵa internet tarmaǵındaǵı aldawshılıqlar, bank plastik kartalarınıń qáwipsizligi, sociallıq tarmaqlardaǵı jalǵan (fishing) siltemeler qáwpi hám kibermákanda sergeklikti arttırıw boyınsha hár tárepleme túsinikler berildi hám kórgizbeli materiallar kórsetildi. Ilaj juwmaǵında studentler ózlerin qızıqtırǵan sorawlarǵa qánigelerden anıq juwaplar aldı.