Evropanıń belgili universitetleri professor hám ekspertleri Qaraqalpaqstan awıl xojalıǵı hám agrotexnologiyalar institutında xızmet saparında boldı

Xızmet saparınıń maqsetine kóre, Evropa Shólkeminiń Erasmus+ dástúri sheńberinde Qaraqalpaqstan awıl xojalıǵı hám agrotexnologiyalar institutında veterinariya tarmaǵında jetik kadrlardı tayarlawda Evropa shólkeminiń belgili universitetleri menen óz-ara birge islesiw hám xalıqaralıq grandlar kesiminde ámelge asırılıwı belgilengen edi.

Usı múnásebet benen, institutda shólkemlestirilgen ushırasıwda Portugaliyanıń Porto universiteti professorı Avgusto Faustino, Estoniyanıń Tabiyiy pánler universiteti professorı David Arney, Italiyanıń Piza universiteti professorı Martina Sartoni, Italiyanıń Padova universiteti professorı Stefano Romagnoli, Italiyanıń Turin universiteti professorı Daniele De Mereghi ham Italiyanıń Palermo universitetı profesorı Andrea Supplizi hám joybar kordinatorları Sanjar Adilov, Aybek Javharov hám Shavkat Hasanov qatnastı.

         Ushırasıwda veterinariya medicinası talim basqıshında jáne de qollap-quwatlaw, jańa joybarlar boyınsha sheriklik qılıw, Ózbekstanda veterinariya medicinası tálim baǵdarında xalıqaralıq dárejege kóteriwde studentlerge 5 jıl múddetli talim baǵdarlamaların jolǵa qoyıw boyınsha usınıslar ortaǵa taslandı.     Sonıń menen bir qatarda, institut direktorı professor E.Sh. Toreniyazov veterinariya tarawında ámelga asırılıp atırılǵan jumıslar tuwrısında tolıq maǵlıwmat berdi hám joybar sheńberinde alıp kelingen laboratoriya asbap-úskeneleri, kompyuterler járdeminde talim sapası asırılǵanlıǵın aytıp ótedi. Óz náwbetinde joybar baslıǵı professor Avgusto Faustino sheriklikde amelge asırılıp atırǵan isler óz nátiyjesin kórsetip atırǵanlıǵın hám erisilgen nátiyjeler haqqında da toqtalıp ótti.

         Ushırasıw dawamında miymanlar menen joybar sheńberinde keleshekde ámelge asırılatın jumıslar haqqında kelisip alındı. Ushırasıwdan soń joybar ekspertleri tárepinen veterinariya laboratoriyaları ushın berilgen úskenelerdiń oqıw barısında qollanılıp atırǵanlıǵın kózden ótkerdi.