Usı jıldıń 26 aprel kúni Qaraqalpaqstan awıl xojalıǵı hám agrotexnologiyalar institutı rektori E.Sh.Toreniyazov Ózbekstannıń Tayland patshalıǵı elshixanasında xızmet saparında boldı. Elshixana wákilleri menen bolıp ótken ushırasıwda usı mámleketdegi joqarı oqıw orınları ortasında awıl xojalıǵı tarawı boyınsha birgelikte ilimiy izertlew jumısların alıp barıw boyınsha usınıslar bildirildi. Atap aytqanda, eki mámleket joqarı oqıw orınları studentleri, magistrlar, doktorantlar hám professor oqıtıwshılar ortasında ámeliyat tájiriybeleri hám ilimiy izertlew isleri tiykarında óz-ara bilim hám kónlikpelerin almasıw, tájiriybe arttırıw máseleleri sóz etildi. Mámleketimizdiń elshixana wákilleri bul iygilikli islerdi ámelge asırıwda járdem beriwge tayar ekenligi hám qollap-quwatlawın bildirdi.