Sońǵı jıllarda mámleketimizde tálim sapası hám jaslar tárbiyasına úlken itibar qaratılıp atır.

Ásirese, Qaraqalpaqstan awıl xojalıǵı hám agrotexnologiyalar institutında studentlerdiń awıl xojalıǵı tarawında óz kásiplik iskerligin tabıslı baslawı ushın barlıq zárúr bilimlerdi ózlestiriwi hám ámeliy iskerlik alıp barıwı ushın keń múmkinshilikler jaratılǵan.

Institutımızda tájiriybeli hám joqarı dárejeli professor-oqıtıwshılar iskerlik alıp barıp atır, olar ózleriniń keń bilimlerin studentler menen bólisiwge tayın. Sonıń menen birge, institutımız studentlerge shet eldiń jetekshi universitetlerinde oqıw, bilim, kónlikpe hám ilmiy iskerliklerin asırıw, tájiriybe arttırıw ushın ájayıp múmkinshilik jaratıp berip atırǵanlıǵı menen maqtana alamız.

Búgin, 2022-jıl 16 -avgust kúni institutımız rektori professor E. Sh. Toreniyazov hám oqıw isleri boyınsha prorektor dotsent N. Absattarov Qubla Ural mámleketi agrar universiteti magistratura basqıshında oqıw ushın grant jeńimpazı bolǵan Zooinjeneriya fakulteti pitkeriwshisi Mambetsapaev Alpamistı qutlıqladi. Institut administraciyası óz maqtanıshın bildirip, ol QUMAUniń “Veterinariya-sanitariya ekspertizasi” baǵdarı boyınsha magistratura studenti bolıp, tuwrı tańlaw qılǵanın aytıp ótti. Usınıń menen toqtap qalmawdı hám mudami óz maqsetleri, ármanlarına qaray alǵa barıwdı, joqarı shıńlardı iyelewdi aytıp ótti. Mámleketimiz keleshegi, miynetkesh xalqımız baxtı, párawanlıǵı sizler, jaslardıń qolında,- dedi rektorımız.