Institutımızda «1-dekabr Qaraqalpaq tiline mámleketlik til biyligi berilgenine 33 jıl tolıwı» múnásibeti menen bayram keshesi bolıp ótti.

Qaraqalpaq tili qaraqalpaq xalqınıń milliy ádebiy tili bolıp qalmay, xalqımızdıń joqarı ruwxıylıq hám mádeniyatın asırıw, jetiskenliklerimiz haqqında maqtanısh etiw, ózligimizdi ańlaw ushın tiykarǵı qural eken, demek oǵan hár dayım itibarlı bolıw tiykarǵı wazıypamız. Búgin institutımızda «1-dekabr Qaraqalpaq tiline mámleketlik til biyligi berilgenine 33 jıl tolıwı» múnásibeti menen bayram keshesi bolıp ótti. Ilajdı institutımız rektorı prof. E.Sh.Toreniyazov ashıp berdi. Rektor óz sózinde til bul – millettiń kórki hám milliy maqtanıshı. Ana tiline húrmet insannıń óz Watanına bolǵan húrmetin belgileydi. Sonıń menen birge tilge múnásibet, bul – ulıwma insanıylıq mádeniyattıń ajıralmas bólimi sanaladı dep aytıp ótti. Ilaj dawamında usı sánege baǵıshlap student jaslar tárepinen tayarlanǵan úlken bayram ilaji ótkerildi.