Qaraqalpaqstan awıl xojalıǵı hám agrotexnologiyalar institutı pitkeriwshileri ushın 2021-jıldan baslap magistratura basqıshın Rossiya Federaciyasınıń jetekshi joqarı oqıw orınlarında oqıwın dawam etiw dásturi jolǵa qoyılǵan bolıp, búgingi kúnde 5 studentimiz Rossiya Federaciyasınıń Qubla-Ural mámleketlik agrar universiteti hámde Povolje mámleketlik texnologiya universitetlerinde oqıp atır. Olar qatarında 2021-jılǵı pitkeriwshilerden «Toǵayshılıq hám toǵay melioraciyası» jónelisi pitkeriwshileri I.Sulaymanov hámde T.Erimbetovlar Povolje mámlketlik texnologiya universitetiniń «Toǵay xojalıǵı» jónelisinde grant tiykarında,  «Jer duziw hám jer kadastrı» jónelisi pitkeriwshisi E.Abdullaev Qubla-Ural mámleketlik agrar universitetiniń «Agronomiya» jónelisinde grant tiykarında oqıp, óz bilimlerin asırıp atır. 2022-jılda Zooinjeneriya fakulteti pitkeriwshisi A.Mambetsapaev hámde miywe-sabzavotshılıq, awıl xojalıǵı ónimlerin saqlaw hám qayta islew fakulteti pitkeriwshisi A.Yuldashevlar  Qubla-Ural mámleketlik agrar universitetiniń Zootexniya jónelisinde magistratura basqıshında grant tiykarında oqıp kelmekte. 2023-jıldan baslap institutımız pitkeriwshilerin Rossiya Federaciyası, Yaponiya, Germaniya hámde basqada rawajlanǵan mámleketlerde magistratura, doktorantura basqıshlarında oqıtıw boyınsha ameliy seminarlar hámde treningler ótikerilmekte.