Qaraqalpaqstan awıl xojalıǵı hám agrotexnologiyalar institutı student jaslari hám  professor-oqıtıwshılarınıń qatnasiwinda Moynaq rayoninda ámelge asirilip atirǵan sociyal-ekonomikaliq tarawlardaǵı reformalardiń nátiyjeleri menen tanistiriw, sonday-aq Moynaq hám Aral teńizı tariyxin tereń úyreniw maqsetinde Moynaq boylap sayaxat shólkemlestirildi.

 Sayaxattıń birinshi mànzili Hàkim ata yaǵnıy Sulayman Baqırǵanıy zıyaratgahı boldı. Bunda institutımız jasları Hákim ata-Sulayman Baqırıǵanıy maqbarasin ziyaratlap, bul jerde ámelge asirilǵan dóretiwshilik hám abadanlastiriw, sonday-aq, Túrkiy xaliqlar arasinda Xoja Axmed Yassawiyden keyingi danishpan sipatinda tán alinǵan Hákim ataniń ómiri, iygilikli isleri, áwladlarǵa qaldirǵan miyraslari tuwrali bahali maǵliwmatlarǵa iye boldi.

Sayaxattıń keyingi mánzili-Aral teńizi tariyxi muzeyi boldi. Onda institut jaslari Aral teńizi tariyxi menen baylanisli kòplegen eksponatlar menen tanıstı hám Aral teńizi haqqında kinofilmdi tamashaladi.

Onnan soń student jaslar Korabller qoyimshılıǵı estelik kompleksinde bolip, bul jerdegi eksponatlar, teńizdiń suwǵa toli waqtına gúwa bolǵan kemeler tariyxina baylanisli materiyallar menen tanıstı.

Moynaq rayonı boylap sayaxat dawamında ÓzR Oliy májlis deputatları, senatorlar, QR Joqarı Keńes deputatları, ministrlikler wakilleri, JOO rektor hám direktorları menen birgelikte Moynaq rayonındaģı Ayrıqsha jaģdaylar ministrliginiń áskeriy okrugında xizmet etip atirģan áskerler menen ushırasıw bolıp ótti.

Onda  institutimiz rektori E.Tóreniyazov qatnasip, Aral teńiziniń qurıģan ultanında seksewil nállerin egiwde óz úleslerin qosıp atırģan áskerlerge húrmet jarlıqları hám estelik sawģaları tapsırdı.