Rossiya mámleketlik agrar universiteti menen baylanıslar bekkemlenbekte

Institutımız hám K.A. Timiryazev atındaǵı Rossiya mámleketlik agrar universiteti ortasında dúzilgen shártnama sheńberinde alıp barılıp atırǵan ilajlar hám aldaǵı wazıypalar  boyınsha ushırasıw bolıp ótti.

Ushırasıwǵa institutımız rektorı, awıl xojalıǵı ilimleri doktorı, professor E.Tóreniyazov, K.A. Timiryazev atındaǵı Rossiya mámleketlik agrar universiteti kafedra baslıǵı, Akademik, texnika ilimler doktorı O.N.Didmanize  qatnastı.

Onda institutımızda student jaslardıń bilim alıwı ushın jaratılǵan imkaniyatlar, búgingi kúndegi erisilgen nátijeler, birge islesiwdegi wazıypalar boyınsha pikirlesiwler alıp barıldı.

Eki joqarı oqıw ornı awıl xojalıǵı tarawı ushın tájriybeli, jetik qáynigelerdi jetistiriwde birge islesiwdi elede rawajlandırıw, tájriybe almasıw, institutımız studentlerin Rossiya mámleketlik agrar universitetinde magistratura hám doktarantura basqıshında dawam etiwi ushın sharayatlar jaratıw boyınsha kelisimge keldi.