Mámleketlik gimn-millet maqtanıshı

  Watan súyiwshilik tuyǵısın ózinde jámlegen gimnimiz  búgin tálim alıw orınlarında jas áwládtıń Watanǵa muhabbat ruwhında kamal tabıwǵa xizmet etpekte. Jurttıń  eń ullı  qosıǵın qásterlep, yadlaw hám bálent hawazda aytıw  hár bir jerlesimizdiń wazıypası.

Serquyosh, hur o‘lkam, elga baxt, najot,
Sen o‘zing do‘stlarga yo‘ldosh, mehribon.
Yashnagay toabad ilmu fan, ijod,
Shuhrating porlasin, toki bor jahon…

  Usınday qatarlar menen baslanıwshı Ózbekstan Respublikası Mámleketlik gimni jańırap, bayraǵımız tóbemizde jelbiregende, azat Watanımızǵa qálbimizdiń túp-túbinen maqtanısh sezimin payda etedi, húrmet-itibar kúsheyedi. Jurtımız wákilleri qatnasatuǵın  xalıqaralıq kólemdegi  siyasıy, ekonomikalıq, madeniy-aǵartıwshılıq  ilajlar hám sport jarıslarında usı qosıq  jańlaǵanda qáliblerimiz maqtanısh sezim lerine toladı.

  Ózbekstan Respublikasınıń Mámleketlik gimni, gerb hám  bayraq penen  birge Ózbekstan Respublikasınıń Mámleketiniń  suverenitetiniń belgisi. Ózbekstan Respublikasınıń Mámleketlik gimniniń teksti hám muzıkası  Ózbekstan Respublikasınıń 1992-yil 10-dekabrdegi 768-XII-sanlı Ózbekstan Respublikasınıń Mámleketlik gimni haqqındaǵı Nızamı menen tastıyıqlanǵan. Nızamda  gimnimiz mámleket suverenitetiniń belgisi, oǵan úlken húrmet penen qaraw hár bir jerlesimizdiń watansúyiwshilik wazıypası dep belgilep qoyılǵan. 

  Mine, usı múnásibet penen búgin 10-dekabr kúni Qaraqalpaqstan awıl xojalıǵı hám agrotexnologiyalar institutında  ilaj bolıp ótti.
Dáslep, ilaj  xor jámááti tárepinen  Ózbekstan hám Qaraqalpaqstan mámleketlik gimnleriniń janlı atqarılıwı  menen baslandı.

  Sońınan, institutimiz rektorı B.Jollıbekov ilajdı kiris sóz benen ashıp berdi, ol  dáslep jıynalǵanlardı bayram menen qızǵın  qutlıqladı hám mámleketlik gimnimizdiń turmısımızdaǵı áhmiyeti haqqında aytıp ótti.

  Mámleketlik gimn avtorı  Ózbekstan Qaharmanı, Ózbekstan xalıq shayırı Abdulla Oripov bolıp, muzıkasın Ózbekstan xalıq artisti, ataqlı kompozitor  Mutal Burhonov jazǵan. Gimnde xalqimizdıń arzıw-úmitleri, keleshekke bolǵan bekkem isenim tereń sáwlelengen.