Rásmiy: My.gov.uz portalı arqalı búginnen onlayn dizimnen ótiw baslandı

My.gov.uz portalı arqalı abiturientlerdi JOOlardıń bakalavriat tálim baǵdarlarına onlayn dizimge alıw baslandı.

(https://my.gov.uz/uz/service/259) Qanday tártipte:

Abiturient telefon nomerin avtorizatsiyadan ótkerip, pasport maǵlıwmatları, turaqlı jasaw mánzili hám tamamlaǵan bilimlendiriw mákemesi boyınsha maǵlıwmatlardı kirgizedi.

✔️ Jeńilligi barlar olardı tekserip, shet tilinen milliy yamasa xalıqaralıq sertifikatı barlar bul haqqındaǵı maǵlıwmatlardı júklese ǵana jeterli.

❗️ Esletpe

Bilimlendiriw baǵdarın jańa oqıw jılı ushın qabıllaw parametrleriniń bilimlendiriw tilleri boyınsha bólistiriliwi tastıyıqlanǵannan keyin ǵana tańlaw múmkin boladı.

✅Dizimge alıw 20-iyulǵa shekem dawam etedi. Usı kúnge shekem maǵlıwmatlardı redaktorlaw múmkin.

Testke nelerdi alıp kiriw múmkin?

✅ shaxstı tastıyıqlawshı hújjet;

✅ abiturient ruxsatnaması;

✅ kepka yaki panama;

✅ ápiwayı qol saatı (elektron smart-saat múmkin emes);

✅ optikalıq kózáynek (basqa kózáynekler múmkin emes);

✅ pul;

✅ qol oramal;

✅ gilt.

Tómendegiler múmkin emes:

❌ telefon yaki basqa elektron qurilmalar;
❌ shpargalka, kalkulyator; hám t.b.
❌ ruchka (ishkeride beriledi);
❌ suw (ishte beriledi);
❌ qoralama qagaz (ishkeride beriledi);
❌ Mendeleev yamasa fizikalıq shamalar kestesi (ishkeride beriledi);
❌ mashina pulti (kiriw postında)

Abiturient joqarı oqıw ornına qabıl etilgen bolsa tómendegi hújjetlerdi usınadı:

  • orta bilimlendiriw (11-klass negizinde) yamasa orta arnawlı, kásip-óner bilimlendiriw mákemesin tamamlaǵanlıǵı haqqındaǵı hújjettiń túp nusqası;

086-U — forma boyinsha medicinalıq maǵlıwmatnama;

  • pasport (pasport jasına jetpegenler ushın tuwılǵanlıǵı haqqındaǵı gúwalıq) nıń nusqası;
  • 5 x 4.5 sm kólemdegi 6 dana reńli fotosúwret;
  • miynet dáptershesinen belgilengen tártipte tastıyıqlanǵan kóshirme hám islep atırǵan tarawınan usınısnama (arnawlı sırtqı bólim abiturientleri ushın);
  • rektor atına arza;
  • tańlawdan tısqarı oqıwǵa kiriw huqıqına ie bolǵan xalıqaralıq hám respublikalıq olimpiadalar, tańlawlar hám jarıslar jeńimpazları originaldaǵı tastıyıqlawshı hújjetler;
  • áskeriy bólimnen usınısnama.

Abiturient tárepinen pasport (pasport jasına jetpegenler tuwılǵanlıǵı haqqındaǵı gúwalıq) hám áskeriy xızmetke baylanıslılıǵı haqqındaǵı hújjet qabıllaw komissiyasına jeke kórsetiledi.

Dene tárbiyası institutına hújjet tapsırıp atırǵan abiturientler joqarıda kórsetip ótilgen hújjetlerge qosımsha túrde sport qánigeligin tastıyıqlawshı hújjet (sport dárejesi kitabı), 8 foto kartochka (arnawlı sport tekseriwi ushın) tapsırıwı kerek.

Arnawlı sırtqı bólimge hújjet tapsırıwshı shaxslar belgilengen tártipte miynet dáptershesinen kóshirme tapsıradı.

Arnawlı bólimge tek ǵana orta arnawlı kásip-óner bilimlendiriwine hám 3 jıldan kem bolmaǵan jumıs stajına ie shaxslar qabıl etiledi.

Pasport hám áskeriy xızmet haqqındaǵı hújjet jeke usınıladı.

Toparlar boyınsha abiturientlerdiń dizimi hám imarat hám auditoriyalardıń jaylasıwı sáwlelengen sızılmaları oqıw orınları qabıllaw komissiyaları tárepinen test sınaqları ótkeriliwinen 3 kún aldın daǵazalar taxtasına ildiriledi.

Joqarıda kórsetilgen barlıq hújjetler bar bolǵan jaǵdayda qabıllaw komissiyası abiturientti qabıllawdı biykarlaw huqıqına ie emes. Puqaralar ekinshi hám onnan keyingi joqarı maǵlıwmattı shártnama tiykarında alıwǵa haqılı. («Bilimlendiriw haqqında»ǵı Nızam, 14-statya).

Abiturient test sınaqları ótkeriletuǵın kúnnen 3 kún aldın test sınaqları ótkeriletuǵın imarattıń jaylasqan ornı hám ataması, qabat hám auditoriya nomeri kórsetilgen sızılmanı puqta úyrenedi hám eslep qaladı.

Test sınaqlarınan 3 kún aldın abiturientke topar nomeri kórsetilgen ruxsatnama beriledi.

Test sınaqları kúndizgi, arnawlı sırtqı hám keshki (smenali) bilimlendiriw forması ushın hár jılı 1-avgusttan 15-avgustqa shekemgi múddette, ádette, kúnine eki smenada ótkeriledi. Birinshi smena saat 08:00 de, ekinshi smena saat 15:00 de baslanadı.

Abiturientler dıqqatına! (derek DTM.uz)

Joqarı bilimlendiriw mákemeleriniń bakalavriatına hám magistraturasına qabıllaw tártipleri menen Ózbekstan Respublikası Ministrler Kabinetiniń 2017-jıl 20-iyundaǵı 393-sanlı qararı Joqarı bilimlendiriw mákemelerine oqıwǵa qabıllaw, studentlerdiń oqıwın kóshiriw, qayta tiklew hám oqıwdan shetletiw tártibi haqqındaǵı rejelerdi tastıyıqlaw haqqında.