Ózbekstan Respublikası Prezidentiniń 2018-jıl 5-iyundaǵı “Joqarı bilimlendiriw mekemelerinde bilimlendiriwdiń sapasın arttırıw hám olardıń mámlekette ámelge asırılıp atırǵan keń kólemli reformalarda belsene qatnasıwın támiyinlew boyınsha qosımsha ilajlar haqqında”ǵı hám 2023-jıl 7-iyuldegi “Agrar tarawda ilim, bilimlendiriw hám óndiristi integraciyalaw arqalı sapa hám nátiyjelilikti arttırıwdıń qosımsha ilajları haqqında”PQ-216-sanlı qararlarında berilgen tapsırmalardıń orınlanıwı hám 2025-jıl “Qorshaǵan ortalıqtı qorǵaw saqlaw hám “Jasıl” ekonomika jılı” múnásibeti menen Tashkent mámleketlik agrar universitetinde 2025-jıl 28-fevral kúni ilimiy-izertlew jumısların muwapıqlastırıw, qábiletli, talantlı hám intaker bakalavriat, magistratura hám doktorantura basqıshında bilim alıp atırǵan jaslardı hár tárepleme qollap-quwatlaw, olardıń intellektuallıq potencialın hám eń aldıńǵı ideyalardı júzege shıǵarıw maqsetinde “Jańa Ózbekstanda ilim qarlıǵashları” atamasındaǵı respublikalıq ilimiy-ámeliy konferenciyası rejelestirilgen edi.
 Usı múnásebet penen Qaraqalpaqstan awıl xojalıǵı hám agrotexnologiyalar insitutı belsendileri de Jańa Ózbekstanda ilim qarlıǵashları” ekinshi studentler ilimiy -ámeliy konferenciyasınıń “Ideaton-2030” nominatsiyası boyınsha qatnasıw ushın Sulaymanov Ikramjan basshılıǵında 3-kurs tayanısh doktorantı Abdikairov Bekmurat,4-kurs bakalavr Agrobiznes hám invistitcion iskerlik tálim baǵdarı studenti Jaqsimova Zuxra, 4-kurs bakalavr Awıl xojalıǵın mexanizatsiyalastırıw tálim baǵdarı studenti Dlanova Gúlzibalar ilimiy maqalaları hám proektleri menen qatnastı.
 Konferensiya juwmaǵına bola Abdikairov Bekmurat “Eń jaqsı xalıq aralıq maqala” nominatsiyasın jeńip aldı , “Ideaton-2030” nominatsiyası boyınsha Jaqsimova Zuxra 2-dárejeli diplom hám qımbat bahalı sawǵa menen, “Eń jaqsı proekt” nominatsiyası boyınsha Dlanova Gúlziba sertifikat penen sıylıqlandı.