Qaraqalpaqstan awıl xojaliǵı hám agrotexnologiyaları instituttıń “Karyera orayı” hám Kovarking ofisi is júritiwshisi A.Arıqbaeva menen birgelikte Gumanitar pánler hám tiller kafedrası professor oqıtıwshıları Z.Kallibekova, G.Erjanova, G.Tóreniyazova, N.Sarıbaeva hám Z.Ranovalar hám yurisprudenciya student jasları qatnasıwında paytaxtımızdaǵı “Kásiplik kónlikpeler orayı”na ekskursiya shólkemlestirdi. “Kásiplik kónlikpeler orayı” xızmetkerleri tárepinen jaslardıń bántligin támiynlew, olardı kásip-ónerge baǵdarlaw maqsetinde shólkemlestirilgen kásip túrleri hám olardıń nátiyjelerı haqqında túsinikler berildi. Orayda jas tárbiyashılar ushın járdemshi tárbiyashı, ıssıqxananı júrgiziw, konditer, aspaz, tigiwshi, balalar massajisti, avtomobillerge xizmet kórsetiw, quyash pánellerin ornatıw, shashtárezxana kásipleri hám basqada kásip túrleri boyınsha oqıtıw jolǵa qoyılǵan. Ekskursiya barisında student jaslar ózlerin qızıqtırǵan kásipleri boyınsha sorawların berip, oray xızmetkerleri tárepinen maǵlıwmatlar berildi. Student jaslar “Kásiplik kónlikpeler orayı”nan kóplegen kásip túrleri boyınsha tereń túsiniklerge iye boldı.