Ózbekstan Respublikası Awıl xojalıǵı ministriniń 2025-jıl 29-avgusttaǵı 212-sanlı buyrıǵına tiykarlanıp Yaponiya universitetlerinde magistratura basqıshında bilim alıw ushın Ministrlik tárepinen arnawlı stipendiya ajıratılıwı belgilengen.

 Bul stipendiya tańlawında qatnasıw ushın institutımız pitkeriwshileri arasınan múnásip talabanlardı tańlap alıw maqsetinde 2025-jıl 5-sentyabr kúni institut kóleminde imtixan ótkerildi.

 Tańlap alıw barısı sáwbetlesiw túrinde bolıp ótkerilip, onda qatnasıwshılarǵa ózleriniń kásiplik tayarlıǵı, ilimiy potencialı hám yapon mádeniyatı haqındaǵı bilimleri boyınsha sorawlar berildi. Sáwbet tiykarınan inglis tilinde alıp barılıp, studentlerdiń bilim hám kónlikpeleri puqta sınaqtan ótkerildi.

 Bul tańlaw nátiyjeleri tiykarında institut pitkeriwshilerine xalıqaralıq kólemde bilim alıw imkaniyatın jaratıp, olardıń keleshektegi ilimiy izlenisleri hám kásiplik jumısında áhmiyetli tiykar bolıp xızmet etedi.