2026-jıl 3-iyul kúni Qaraqalpaqstan awıl xojalıǵı hám agrotexnologiyalar institutı rektorı N. Absattarov hám Ilimiy isler hám innovaciyalar boyınsha prorektorı Sh. Akmalov Germaniyanıń Weihenstephan-Triesdorf University of Applied Sciences universitetine Erasmus+ baǵdarlaması sheńberinde rásmiy ilimiy saparın ámelge asırdı.
Bul sapar etiw 2023-jıldan berli tabıslı dawam etip atırǵan eki universitet arasındaǵı xalıqaralıq birge islesiwdiń gezektegi áhmietli basqıshı bolıp, ilimiy izertlewler, bilimlendiriw, akademiyalıq almasıw hám xalıqaralıq joybarlardı bunnan bılay da rawajlandırıwǵa qaratılǵan
Sapar dawamında Germaniyada studentlerdiń ámeliyatın shólkemlestiriw, dual bilimlendiriw sistemasın engiziw, akademiyalıq almasıw baǵdarlamaların keńeytiw, qospa ilimiy joybarlardı ámelge asırıw hám keleshektegi birge islesiw baǵdarları boyınsha sóylesiwler alıp barıldı.
Bul sapar etiw instituttıń xalıqaralıq birge islesiwin bekkemlew, bilimlendiriwdiń sapasın arttırıw jáne professor-oqıtıwshılar hám studentler ushın jańa imkaniyatlar jaratıwǵa xızmet etedi. Maǵlıwmat ushın Weihenstephan-Triesdorf University of Applied Sciences (HSWT) haqqında
Weihenstephan-Triesdorf University of Applied Sciences (HSWT) Germaniyanıń awıl xojalıǵı, agrotexnologiyalar, ekologiya hám azıq-awqat texnologiyası baǵdarlarında qánigelesken jetekshi ámeliy universitetlerinen biri bolıp esaplanadı. 1971-jılı shólkemlestirilgen universitet Bavariyanıń Freising hám Triesdorf kampuslarında jumıs alıp baradı.
