Prezentaciyada professorlar Weihenstephan-Triesdorf University of Applied Sciences universitetinde alıp barılıp atırǵan izleniwler, izertlewler, ilimiy jumıslar, oqıw processleri, studentlerdiń ámeliyatları menen tanıstırdı.

   Universitettiń awıl xojalıǵı tarawındaǵı jetiskenlikleri, tarawǵa kadrlar jetkerip beriwdegi áhmieti, kadrlardı oqıtıw sistemaları, ámeliyat hám oqıw processleriniń sáykesligi, óndiris sektorları hám olar menen birge islesiw, óndiristen úzilmegen halda oqıtıwdı shólkemlestiriw usılları haqqındaǵı oǵada paydalı maǵlıwmatlardı universitet oqıw processleri mısalında keltirip ótti. Bul universitettiń kadrlar tayarlawdaǵı itibarlı tárepi sonda, professor-oqıtıwshılar hám studentler universitet fermer xojalıǵın basqaradı, ol jerde awıl xojalıǵınıń barlıq tarawlarında jumıs alıp baradı eken. Universitet qaramaǵında sharwashılıq sektorı hám jer maydanları bar bolıp.Onda student hám professor-oqıtıwshılar tikkeley fermerlik jumısı menen shuǵıllanıp, 100 den aslam qaramal, 200 ge shamalas qoy, 500 ge shamalas qus (tawıq, úyrek, ǵaz) hám basqa da sharwa malların baǵıp, aymaqtı awıl xojalıǵı ónimleri, sút, gósh hám basqa da qus ónimleri menen úzliksiz támiyinlep turadı. 4-kún boyinsha. Bul prezentaciya hám sapar dawamında awıl xojalıǵı texnikaları, olardan paydalanıw, sharwashılıq hám qusshılıq boyınsha tájiriybeler almasıldı. Studentler oqıw procesin óndiris penen úzliksiz alıp barıw boyınsha Universitet tájiriybeleri úyrenildi.