«Úsh áwlad ushırasıwı» bolıp ótti

Institutımızda «Studentler báhári» hám «Jańa Ózbekstan-jaslar mámleketi» festivalı sheńberinde «Úsh áwlád ushırasıwı» ilajı bolıp ótti.

Onda uzaq jıllardan berli institutımızda islep, shákirtler tayarlap kiyatırǵan ustazlar menen sáwbet shólkemlestirildi.

Insan qádiri ulıǵlanıp atırǵan elimizde bunday ushırasıwlardıń shólkemlestiriliwi student jaslardıń ruwxıy dúnyasınıń bayıwına, mámleket keleshegi ushın juwapkershiligin seziniwge baǵdarlaydı.

Ushırasıwda institutımızda awıl xojalıǵı tarawına maman qániygelerdi jetistirip beriwde uzaq jıllardan berli miynet etip kiyatırǵan ustazlar Ósimliklerdi qorǵaw hám karantin baǵdarı boyınsha T.Óserbaeva, Diyqanshılıq baǵdarı boyınsha Q.Aytbaevlar hám olardıń shákirtleri N.Shamuratova, N.Tájetdinov, M.Turımbetovlar hám student jaslar qatnastı.

Kópti kórgen nuranıyler ómiri hám miynet jolı jaslar ushın hámiyshe órnek, tájriybe mektebi sıpatında xızmet qıladı.