Institutımızda «Deputat hám jaslar» ushırasıwı bolıp ótti

Qaraqalpaqstan awıl xojalıǵı hám agrotexnologiyalar institutında “Jańa Ózbekstan jasları, birleseyik!” súreni astında ótkerilip atırǵan “Studentler báhári” festivalı sheńberindegi ilajlar dawam etpekte.

Búgin institutımızda Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri Komitet baslıǵı D.Utambetov hám student jaslar qatnasıwında «Deputat hám jaslar» ushırasıwı ótkerildi.

Ózbekstan Liberal demokratiyalıq partiyası deputatı D.Utambetov 1984-jılı Nókis mámleketlik universitetiniń Agronomiya bólimin pitkergen bolıp, 40 jılǵa shamalas waqıttan berli awıl xojalıǵı tarawında bir qatar lawazımlarda miynet jolın alıp barǵan.

Deputat D.Utambetov óz sózinde búgingi kúnde jaslarıǵa qaratılıp atırǵan keń imkaniyatlar, ásirese, Prezidentimiz tárepinen jaslardıń bilim alıwı, óner iyelewi hám belgili bir kásip iyesi bolıwı ushın Qarar hám Pármanlar qabıl etilip atırǵanlıǵı, jaslar bolsa buǵan múnásip bolıwı, hár bir imkaniyattan únemli paydalanıp, mámleketimiz rawajlanıwı ushın múnásip perzent bolıwı zúrúrligin atap ótti.

Sonday-aq, deputat mámleketimizde bolıp ótken siyasıy processler, Ózbekstan Respublikası Referendumı hám 2023-jıl 9-iyul kúni bolıp ótetuǵın Prezidentlik saylawlar haqqında túsinik berip ótti.

Ashıq sáwbetlesiw tárizinde shólkemlestirilgen ushırasıwda jaslar ózlerin qıqıqtırǵan sorawları menen deputatqa múrájat etti.