14-iyul kúni Respublikamızdıń barlıq aymaqlarında kiriw test sınaqları baslanadı.

 Test sınaqları kúni shaxstı tastıyıqlawshı pasport (ID-karta) nıń túp nusqası májbúriy túrde usınılıwı shárt. Bolmasa siz test sınaǵına kirgizilmeysiz!

 2025-jıl 1-iyulden baslap Birden-bir interaktiv mámleketlik xızmetler portalı arqalı pasport hám basqa da hújjetlerdiń elektron túrleri rásmiy túrde tán alınadı. Biraq bul test sınaqlarına tiyisli emes, sebebi:

 Test sınaǵı aymaǵına mobil telefon hám basqa da sanlı qurılmalardı alıp kiriw qatań qadaǵan etilgen.

 Sonıń ushın sizde pasporttıń túp nusqası – ID-karta yamasa biometrikalıq pasport bolıwı shárt.

 Yadta saqlań:

 Pasport (ID-karta) túp nusqası;
 Abiturient ruxsatnaması – testke kiriwde talap etiledi.

 Ruxsatnamanı Bilim hám mamanlıqlardı bahalaw agentligi “Virtual oray” interaktiv xızmetler portalı platformasındaǵı jeke kabinetinen yamasa ruxsatnama uzbmb botı arqalı júklep alınadı.

 Test sınaqlarına kesh qalmań, hújjetlerińizdi aldınnan tayarlap qoyıń!

 Mandat juwap botı arqalı qaysı joqarı oqıw ornında qanday baǵdarlar bar ekenligi hám hár biriniń ótiw balları menen tanısıw múmkin.

 Sınaw test uz botı arqalı abiturientler ushın arnawlı diagnostikalıq testlerdi islep, óz bilimlerińizdi biypul sınaqtan ótkeriwińiz múmkin!

 Qosımsha sorawlardı Telegram botımızǵa jiberiwińiz múmkin.