2025-jıl 28-aprel kúni 304-auditoriyada (saat 9:00) 60811200-Agroximiya hám topıraqtanıw tálim baǵdarı I basqısh, 24-21-toparında Qaraqalpaqstan awıl xojalıǵı hám agrotexnologiyalar institutı “Xabar texnologiyaları, matematika, fizika hám ximiya” kafedrası assistenti G.Pirniyazova “Analitika, fizika-kolloid hám bioorganikalıq ximiya” páninen lekciya sabaǵında “Uglevodlar” teması boyınsha sheberlik sabaǵın alıp bardı. Sabaqta Tashkent mámleketlik agrar universiteti Awıl xojalıǵı ónimlerin saqlaw hám qayta islew fakulteti “Bioximiya hám fiziologiya” kafedrası baslıǵı Z.Mirvaliev, Bioximiya hám fiziologiya kafedrası docenti F.Saitkulov, assistent T.Eshbabaev qatnastı. Studentlerge házirgi waqıtta dúnyadaǵı eń áhmietli mashqalalardan biri bolǵan ekologiyalıq taza azıq-awqat jetispewshiligi sebepli bolajaq awıl xojalıǵı xızmetkerleri ximiya pánin jaqsı ózlestiriwi, ekologiyalıq taza azıq-awqat jetistiriwde ximiyalıq analizlerdi ámelge asırıwdı biliwi kerek ekenligi haqqında maǵlıwmatlar berip, uglevodlardıń tiykarǵı qásietleri, fiziologiyalıq roli hám azıq-awqat sanaatınıń hár qıylı tarawlarında (tek ǵana emes) paydalanıw analizin túsinikler berdi.