Búgin Qaraqalpaqstan awıl xojalıǵı hám agrotexnologiyalar institutında Jaslar awqamı Baslanǵısh shólkeminiń gezektegi esabat-saylaw májilisi ótkerildi. Ilajdı Jaslar menen islesiw, ruwxıylıq hám aǵartıwshılıq isleri boyınsha birinshi prorektor M.Dauletmuratov ashıp berdi hám alıp bardı.

 Májiliste Jaslar awqamı baslanǵısh shólkeminiń jetekshisi M.Mambetov óz jumısı boyınsha esabat penen shıǵıp sóyledi. Onda búgingi kúnge shekem ámelge asırılǵan baslamalar, erisilgen jetiskenlikler haqqında sóz etildi. Miynetleri ushın M.Mambetovqa minnetdarshılıq bildirilip, estelik sawǵaları tapsırıldı.

 Májilis juwmaqlarına bola, óziniń intası hám jetekshilik qábileti menen ajıralıp turǵan M.Xalmuratov Jaslar awqamı Baslanǵısh shólkeminiń jańa jetekshisi etip saylandı.

 Ilaj dawamında student-jaslar M.Mambetovqa jaqsı tilekler bildirip, onıń institut jasları ushın islegen xızmetlerin ayrıqsha atap ótti.