2026 15 aprel kúni Qaraqalpaqstan awıl xojalıǵı hám agrotexnologiyaları institutında Azıq awqat ónimleriniń paydalı qásiyetlerin esapqa alıw atamasında Aral School bilimlendiriw kursi qatnasıwshıları menen Aral aymaǵınıń azıq awqat sisteması baǵdarı shenberinde seminar bolıp ótti.
Seminarga (https://www.aralschool.uz/kk) Muxabbat Orınbaeva – Ekonomika boyınsha magistr dárejesine iye, mámleketlik qarjı hám turaqlı rawajlanıw qánigesi. Turaqlı rawajlanıw, ekologiyanı qayta tiklew, jámiyetshilik tiykarındaǵı sheshimlerge, ekonomikalıq siyasat, qorshaǵan ortalıqtı tiklew hám Aralboyı keleshegi ushın bilimlendiriwdi baylanıstırıwshı joybarlarǵa qızıǵadı.
Ze-Qıtay Arqa Qıtayda tuwılǵan. Qurǵaqshılıq jerlerdiń ekologiyalıq tariyxı hám mádeniy kórinislerin izertleytuǵın izertlewshi hám dizayner.
Lyla Amini – awǵan-amerikalı jas qánige hám ámeliyatshı, onıń Tájikstandaǵı jumısı ıqlım ózgeriwine shıdamlı awıl xojalıǵı hám tábiyattı qorǵaw, ata-babalar bilimleri, ekologiya, tuqımgershilik.
Intizor Otaniyozova (Qazaqstan) – Oraylıq Aziyanıń Alma-ata qalasında jasaydı, qarjı boyınsha bilimge iye, házirgi waqıtta tábiyat penen baylanısın qayta ornatıw máselerine qızıǵadı, xudojnik.
Qaraqalpaqstan awıl xojalıǵı hám agrotexnologiyalar tárepinen: a.x.i.d., professor Sultanova Zulfiya, a.x.i.d., professor Yusupov Risnazar, awıl xojalıq ónimlerin saqlaw hám dáslepki islew texnologiyası hám dárilik ósimliklerdi jetistiriw hám qayta islew texnologiyası tálim baǵdarları 1 kurs magistranları aktiv qatnastı.
Seminar qatnasıwshılarına professor Z.Sultanova óz ilmiy júmısları nátiyjeleri menen tanıstırıp, shórlanıwǵa shıdamlı galofit ósimlikler jetistiriw, olardan stress faktorlarǵa shıdamlı dástúriy hám dástúriy emes ósimliklerdiń jańa liniyaları hám sortların sınaw hám olardan azıq awqatta paydalanıw boyınsha pikirlerin hám alınǵan nátiyjelerin ayttı. Qatnasıwshılar bul boyınsha óz qızıǵıwshılıǵın bildirdi hám pikirleri menen almastı.
Awıl xojalıǵı ilimleri doktorı professor Risnazar Yusupov tanıstırdı Halqımız dástúrxanında ornı biybaha ónimlerdiń biri – qawın jetistiriwde, onıń erte jazda pisetuǵın sortlarınan baslap, gúz hám qıs aylarınan- báhárge shekem saqlanatuǵın qawın hám ǵarbız sortları menen tanıstırdı. Keyingi jılları bul daqıllardı jetistiriwde qáwipli zúyankes – qawın shıbınıń qawın hám ǵarbızǵa zıyanlawı, zıyankeslerdiń tarqalıwı, ótiwi, aldıń alıw jolları hám zıyankeske qarsı qorǵaw júmısları nátiyjeleri menen tanıstırdı.
Regionımızdaǵı qurǵaqshılıqqa shıdamlı ata babalarımızdan miyras bolıp qalǵan ósimlikler – júweri, biyday, tarı, gúnjige úlken qızıgıwshılıq bildirdı hám olardan paydalanıwdı keńeytiw máselesine qızıǵıwshılıq bildirdi. Búl másele boyınsha 1 kurs awıl xojalıǵı ónimlerin qayta islew texnologiyası magistrantı Aziza Qutlımuratova óziniń ilmiy júmıslarında júweri únınan konditer ónimlerin tayarlaw tájiriybesi hám ónimleri menen tanıstırdı hám degustatsiyaǵa úsındı. Bul miymanlarda úlken qızıǵıwshılıq payda etti hám olar bunnan basqada kóplegen ónimler tayarlap, xalqımızǵa úsınıs etiwge qızıǵıwshılıq bildirdi.
Birinshi qatarda miymanlarımız. Shepten onǵa: Ze, Muhabbat Orınbaeva, Lyla Amini hám Intizor Otaniyozova.
