Xalıq dárti menen jasaytuǵın, onıń jırın jırlap, kewil keshirmelerin aq qaǵaz betine túsirip óziniń ájayıp qosıq qatarlarında keltirip ótetuǵın shayıra apamız Gúlistan Dawletova bizdi tań qaldırıwdan hesh waqıt sharshamaydı.

Búgin Qaraqalpaqstan awıl xojalıǵı hám agrotexnologiya institutında shayıra apamız benen mádeniy keshe shólkemlestirildi. Keshede shayıra óziniń ómir jolı dawamında erisken tabısları, qolǵa kiritken jetiskenlikleri haqqında student jaslarımız benen bólisti. Tuwılıp ósken Shaxaman elatım meni qolıma qálem alıp qosıq dóretpeslikke qoyǵan emes. Hár awıldıń óz izbasarları bar sıyaqlı bizińde Shaxaman elatınan shayır jazıwshılar, jurnalıst dóretiwshiler shıqqanı sebebi, shayırlıqtıń kindik qanı tógilgen jer edi.

Onnan soń óziniń jazǵan qosıqlarınan oqıp berip,  student jaslardı elede tolqındıra aldı. Búgingi kúnde shayır  Gúlistan Dawletovanıń qosıqları mektep sabaqlıqlarına da kiritilgen. Hár bir qosıqtıń dóreliwine de turmıs waqıyaları sebebshi boladı, onı uyqastırıp jaza alǵan bul tek ǵana shayırdıń sheberligine baylanıslı.

Sáwbet dawamında shayıra apamız óziniń shańaraq aǵzaları haqqında da aytıp berdi. Bizdi hám student jaslardı tolqındıra alǵan perzentleriniń  tabıslarıń maqtanısh etsede az. Altı perzenttiń anası Gúlistan Dawletova ómirimiz dawamında biz ómir joldasım menen birge baylıq toplawǵa emes, al kerisinshe perzentlerime barlıq  investiciyani tikkenmen, bul meniñ búgingi kúndegi maqtanıshım hám barlıq baylıǵım dep atap ótti. Rasında da qolda tabılǵan mal-dunya hám baylıq bul hesh nárse emes, al bilimdegi baylıq bul ómir dawamında bizdi jaqsı turmısqa jeteleydi.

Dóretiwshilik keshe sońında student jaslar o’zleriniń shayıra apamız qálemine tiyislı qosıqlarınan oqıp berdi.
Òtkerilgen ushırasıw keshesi qızıqlı hàm mazmunlı òtti, studentlerde jaqsı tàsir qaldırdı.