2025-jıldıń 30-aprel kúni Yaponiyanıń Yamagata universitetiniń “Isbilermenlik boyınsha tálim hám izzertlew” orayı direktorı Tadashi Onodera hám usı oray qánigeleri Toshiaki Hattori, Ikramova Dilfuza hámde tarawǵa tiyisli basqa qánigeler Qaraqalpaqstan awıl xojalıǵı hám agrotexnologiyalar institutında miymanda boldı.

 Miymanlardı insitutımiz rektorı B.Jollibekov hám “Xalqaralıq baylanıslar” bólimi baslıǵı E.Abdullaev kútip aldı hám de ushırasıw shólkemlestirildi.

 Ushırasıwdı institut rektorı B.Jollibekov óz kiris sózi menen baslap berip, institut haqqında maǵlıwmat berdi hám házirgi kúnde ámelge asırılıp atırǵan Start-up joybarlar menen tanıstırdı.

 Bunnan soń “Isbilermenlik boyınsha tálim hám izzertlew” orayı direktorı Tadashi Onodera Yamagata universiteti hám ondaǵı  “Isbilermenlik boyınsha tálim hám izzertlew” orayı haqqında maǵlıwmat berip ótti hámde keleshekte institutımız benen sherikliklte awıl xojalıǵınıń hár qıylı tarawlarına baylanıslı bolǵan Start-up joybarlardı qáliplestiriw, olardı óndiriske endiriw boyınsha seminarlar shólkemlestiriw boyınsha dáslepki kelisimge erisildi.

 Ushırasıwdan soń, miymanlar institutımızdıń laboratoriya xanaların menen tanısıp, bul jerde ilmiy izzertlewlerge jaratılgan imkaniyatlardı kózden keshirdi.