2025-jıldıń 6-may kúni Shorlanǵan sharayatında biodiyqanshılıq xalıqaralıq orayı (ICBA, BAÁ) ekspertleri Qaraqalpaqstan awıl xojalıǵı hám agrotexnologiyalar institutında xızmet saparı menen keldi.

 Dáslep miymanlardı institutımız rektorı B.Jollibekov, Ósimlikshilik, toǵayshılıq hám landshaft dizaynı kafedrası professorı w.w.a. T.Óserbaevalar kútip aldı. 

 Onnan soń institutımız rektorı B.Jollibekov búgingi kúnde Aralboyı topıraǵına ıqlım sharayatın jaqsılaw, delegaciyaǵa ushırasqan, qurǵaq hám shorlanǵan jerlerdi qayta egislik maydanlarǵa awdarıw ústinde ámelge asırılıp atırǵan joybarlar sheńberinde ámelge asırılıp atırǵan jumıslar, olardıń házirgi kúndegi barısı, sonıń menen birge, búgingi kúnde institutımızdıń xalıqaralıq baylanısları boyınsha maǵlıwmatlar berildi.

  Álbette, hár bir isten joqarı nátiyjelerge erisiw jolında bul boyınsha joqarı nátiyjelerge erisken mámleketler tájiriybesinen paydalanıp, ózimiz ushın sáykes keletuǵın sheshimler qabıl etiwimiz kerek. Salıqtan qurǵaq klimat sharayatına iye aymaqlardaǵı ósimlik hám haywanat dúnyasın úyreniw bizge jańa imkaniyat esiklerin ashatuǵını sózsiz.

 Ushırasıw sońında Shorlanǵan sharayatında biodiyqanshılıq xalıqaralıq orayı (ICBA, BAÁ) ekspertleri hám Qaraqalpaqstan awıl xojalıǵı hám agrotexnologiyalar institutı menen eki tárep keleshekte ámelge asırılıwı kútilip atırǵan joybarlar haqqında pikir alıstı.