2025/2026-oqıw jılı ushın mámleketlik joqarı bilimlendiriw mákemeleriniń magistraturasına qabıllaw boyınsha my.edu.uz elektron sisteması arqalı onlayn dizimnen ótken talabanlardıń arzaları kórip shıǵıldı.

 Arzalardı kórip shıǵıw nátiyjesinde kóplegen múrájatlar túrli anıq (tańlanǵan qánigelik pitkeriwshiniń tálim baǵdarı boyınsha sáykes yamasa túrles emesligi, soralǵan hújjet ornına basqa hújjet júklengen yamasa tolıq júklenbegen, júklengen hújjetlerdiń sapasızlıǵı hám basqa) sebeplerge bola biykar etilgen.

 Sonı esapqa alıp, my.edu.uz sistemasınan magistraturaǵa oqıwǵa kiriw ushın arza jibergen hám kemshilikler bar ekenligi sebepli arzası biykar etilgen talabanlarǵa 11-12-avgust kúnleri arzaların qayta redaktorlaw imkaniyatı jaratıldı.

 Usı múddetten keyin redaktorlawǵa jol qoyılmaydı hám kemshilikler saplastırılmaǵan arzalar kórip shıǵılmaydı.

 Áhmietli esletpe, shet tilin biliw dárejesi boyınsha tiyisli milliy yamasa xalıqaralıq sertifikatı talap dárejesinde bolmaǵanı sebepli biykar etilgen arzalardı redaktorlaw usınıs etilmeydi, bul jaǵdayda qayta redaktorlanǵan arzalar bolsa kórip shıǵılmaydı.