Ózbekstan Respublikası mámleketlik Ǵárezsizliginiń 34 jıllıǵı elimiz boylap keńnen belgilenbekte.

Usı múnásibet penen Qaraqalpaqstan awıl xojalıǵı hám agrotexnologiyalar institutında da “Ǵárezsizlik saatları” shólkemlestirildi.

Institutımızdıń professor-oqıtıwshıları student-jaslar menen birgelikte “Bolatuǵın eken yamasa keshe menen búginniń parqı nede?” súreni astında gárezsizlik sabaqların kóterińki ruwxta alıp barmaqta.

Ilajdıń tiykarǵı maqseti – ósip kiyatırǵan jas áwladtı watansúyiwshilik ruwxında tárbiyalaw, ǵárezsizlikke erisiw jolında ata-babalarımızdıń mashaqatlı turmısın keńnen úgit-násiyatlaw hám búgingi abadan turmısta jaratılǵan imkaniyatlardan aqılǵa uǵras paydalanıwǵa shaqırıw bolıp esaplanadı.

Bul mánawiy sabaqlar arqalı student-jaslarımızda ǵárezsizliktiń qádirin jáne de tereń ańlaw, dóretiwshilik hám rawajlanıw jolında belsendi bolıw sıyaqlı sezimlerin kúsheymekte.